E este foi, queridas, O NOSO 1º PODCAST AO VIVO!
E non só, senón que tamén foi a 1º vez que conversabamos con dúas convidadas ao tempo, téndoas ao carón e somerxéndonos na mestura das súas propostas e enerxías. (Unha flipada).
Artemisa e Nuria son dúas guerrilleiras da poesía, que usan a voz e os versos para dicir o que queren, como queren e o que ademais, doutras formas, non pode ser dito.
Son para nós inspiración e con elas falamos dos medos que acompañan a escrita e o recitado, das “inseguridades que son seguridades despois” e de como a raiba, o feminismo e a verdade son lugares onde poder sosternos fronte ás violencias que suceden.
Elas ensínannos coa súa presenza e facer, que podemos ter voz dende lugares que nos ensinaron como desacreditados e que, como lésbicas e bisexuais, podemos dar pasos para xerar condicións máis xustas.
Igual que outres o fixeron antes para nós.
Grazas ao DESFOGA (festi sempre recomendado) e ás persoas que estivestes arroupándonos (ficades nos nosos coras)
Desexamos que o desfrutedes
pero
sobre todo
desexámosvos
fillas
poetas.
Visita: www.pikaramagazine.com
| Licenza: © all rights reserved
